ڈرائیونگ لائسنس بنوانے والوں کیلئے بڑی خوشخبری

ڈرائیونگ لائسنس حاصل کرنے والوں کے لئے اچھی خبر آگئی، ڈرائیونگ ٹیسٹ میں ناکام ہونے والے امیدواروں کو بڑی چھوٹ مل گئی۔

تفصیلات کے مطابق آئی جی پنجاب کے حکم پر ڈرائیونگ ٹیسٹ میں فیل امیدواروں کے لئے ریلیف کا اعلان کردیا گیا،پنجاب موٹر وہیکل رولز 1969 میں ترمیم کا نوٹی فکیشن جاری کردیا گیا، جس کے تحت روڈ ٹیسٹ میں فیل امیدوار 42 کے بجائے 15 دن بعد دوبارہ ٹیسٹ دے سکتے ہیں،عمارہ اطہر نے کہا کہ سائن ٹیسٹ میں فیل امیدواروں کو پہلے ہی یہ سہولت میسّر تھی۔

یاد رہے چند روز قبل وفاقی وزیر داخلہ محسن نقوی نے ڈرائیونگ لائسنس بنوانے والوں کے لئے سہولت کا اعلان کرتے ہوئے کہا تھا کہ گھروں پر ڈرائیونگ لائسنس بنانے کی سہولت دیں گے، اسلام آباد کا کوئی شہری جو 70سال یا زائد عمر کا ہے ، ڈرائیونگ لائسنس گھر جاکر دیں گے۔

وفاقی وزیر کا کہنا تھا کہ اسلام آباد کے شہریوں کی سہولتوں میں اضافہ کرنا ہے، کوئی پولیس یا آرمی میں جاتا ہے تو سوچ سمجھ کرجاتا ہے، یہ فورس 24گھنٹے کام کرنے والے فورس ہے۔