کیا عائزہ خان چھوڑنے والی ہیں ؟
پاکستان شوبز کی مقبول اداکارہ عائزہ خان سے متعلق سوشل میڈیا پر ڈرامہ انڈسٹری چھوڑنے کی خبریں زیرِ گردش ہیں۔
اداکارہ کےمشہور ڈرامہ سیریل ’جان جہاں‘ کی آخری قسط نشر ہونے والی ہے۔ اس حوالے سے عائزہ خان نے فوٹو اینڈ ویڈیو ایپلیکیشن انسٹاگرام پر ایک پیغام میں کہا تھا کہ ’جان جہاں‘ ان کا آخری پراجیکٹ ہے۔
انہوں نے یہ پیغام گذشتہ برس نومبر 2023 میں انسٹا اسٹوری کے ذریعے دیا تھا جس میں انہوں نے انڈسٹری سے ممکنہ علیحدگی کی طرف اشارہ کیا تھا۔
خبریں زور پکڑنے کے بعد ان کے پرستار تجسس میں مبتلا ہوگئے ہیں اور ان کے مستقبل کے بارے میں جاننے کے لیے بے تاب بھی ہیں۔
سال 2013 کے بلاک بسٹر ڈرامہ ’پیارے افضل‘ میں عائزہ خان اور حمزہ علی عباسی بطور جوڑی کاسٹ کیے گئے تھے اور اب 10 سال بعد دونوں ایک ساتھ بطور جوڑی ’جانِ جہاں‘ میں نظر آرہے ہیں۔
لیکن ڈرامہ سیریل جانِ جہاں کے بعد وہ کسی اور پراجیکٹ کا حصہ بنیں گی یا نہیں یہ تو آنے والا وقت ہی بتائے گا۔ مگر ان کے بیان نے مداحوں کو گہری پریشانی میں مبتلا کر دیا ہے۔
