بیرون ملک قانونی طور پر سرمایہ کاری کرنا غلط نہیں،محسن نقوی

وفاقی وزیر داخلہ محسن نقوی نے کہا ہے کہ بطور بزنس مین جہاں چاہیں سرمایہ کاری کریں گے، بیرون ملک قانونی طور پر سرمایہ کاری کرنا غلط نہیں۔

لاہور میں پریس کانفرنس کرتے ہوئے محسن نقوی کا کہنا تھا کہ ان کی اہلیہ کی دبئی میں 2017 سے جائیداد تھی جو 2023 میں فروخت ہوئی، الیکشن کمیشن کی رپورٹس میں سب کچھ واضح ہے، وہ دس سال قبل پبلک آفس ہولڈر نہیں تھے۔ لندن میں بھی پراپرٹی ہے۔

محسن نقوی کا موقف اس وقت سامنے آیا جب ان کی اہلیہ کا نام پراپرٹی لیکس میں سامنے آیا

وزیر داخلہ نے کہا کہ بتانا آپ کا حق ہے، لیکن یہ کہنا کہ جائیداد لی گئی اور ڈکلیئر نہیں کی گئی، یہ غیر قانونی پیسوں سے بنائی گئی، غلط تاثر نہ دیں، سب کچھ واضح تھا، لیکن اس کو اس طرح اجاگر کیا گیا۔ کہ یہ معلوم نہیں کہ جائیدادیں کس رقم سے بنائی گئیں۔ اگر آپ کو لگتا ہے کہ آپ بیرون ملک سرمایہ کاری کرنا چاہتے ہیں یا ملک میں کرنا چاہتے ہیں، اگر کسی کے پاس غیر قانونی جائیداد ہے تو آپ کو ایشو ضرور کرنا چاہیے۔

انہوں نے کہا کہ وہاں ہزاروں افراد کی جائیدادیں ہیں جن کے نام نہیں بتائے گئے، گمان ہے کہ مخصوص لوگوں کو نشانہ بنایا گیا ہے، انکوائری صرف ان لوگوں کی ہونی چاہیے جنہوں نے ڈکلیئر نہیں کیا یا غیر قانونی ہے، کاروبار میں زیادتی ہوئی ہے۔ اگر وہ کاروبار کرتا ہے تو اسے اپنی توہین سمجھ لیں، ہمارا تاجر تھوڑی سی ترقی کرے تو کہتے ہیں کہ چور ہے۔